wund throuch
the refugee camp  -
orchestrae o banes




wind through
the refugee camp  -
orchestra of bones

fooneral Mass -
in the bicker
a deid flee




funeral Mass -
in the chalice
a dead fly

blue bonnets
yammer an taisle  -
time tae hing the nest-box




blue tits
chatter an tease  -
time to hang the nest-box

the pipies
new bairn  -
reid plufft chafts




the piper's
new baby  -
red puffed cheeks

mageecian bairn
apens a fan o deuks
at'r feet




magician child
opens a fan of ducks
at her feet

fou o tears

the ingan

an me

full of tears

the onion

and I

voar sinsheen

the maple's brainches skimmer  -

auld banes wairmin

spring sunshine

the maple's branches glitter  -

old bones warming

her peerie mappie

sclims the wa  -

babbie's fingers i the sin

her little rabbit

climbs the wall  -

baby's fingers in the sun

sin-worshippers'
weir-daunce
...midges




sun-worshippers'
war-dance
...midges

furrin lassie
her suddron puir...
lip-reengs,tung-studs




foreign girl
her english poor...
lip-rings,tongue-studs

throuch the kirkyaird's
wutherins
a reid spat o life...rab




through the churchyard's
witherings
a red spot of life...robin

fykie bairn
ye hae nivver seen
hungert een
or bouks licht as licht




fussy child
you've never seen
hungry eyes
or bodies light as light

the cailleach's
poke o crottles pluffs
intae a stramash o maws




the old lady's
bag of crumbs explodes
into a chaos of gulls

butterie
yin flutherin
page...




butterfly
one fluttering
page...

fir aw oor genocide
life aye forgies us
...snawdraps




for all our genocide
life still forgives us
...snowdrops

auschwitz day  -
caunles...
puils o tallie




auschwitz day  -
candles...
pools of tallow

piece time  -
amang the dorbie's graith
Reid Rab




lunch time  -
amongst the mason's tools
a robin

hern yirthin
untaiglin frae the
parrychute o's sel




heron landing
untangling from the
parachute of himsel

 i the lairside vause
anely
flooers o freest




in the graveside vase
only
flowers of frost

fower rinners
stour fir the line
...attercap's  trams threshin




four runners
race for the line
...spider's legs thrashing

muin i the winnock  -
the bairn groozles
balancin't on'r tae




moon in the window  -
the baby gurgles
balancing it on her toe

on the fitpad
a gowdfush  -
gawpin at it aw




on the footpath
a goldfish  -
open-mouthed at it all

haingles blues   -
stertin tae laith
the cuckoo-clock




flu blues  -
starting to hate
the cuckoo-clock

boxing day  -
a disjaskit teddy-bear
quat on a perk bink



boxing day  -
a forlorn teddy-bear
left on a park bench

Yule gifts
in a bing  -
he daffs wi the happins




Christmas gifts
piled high  -
he plays with the wrappings

abuin
the suicide's hoose
a skirlin maw




above
the suicide's house
a keening gull

cosmos  -
fush-een
in a derk dub




cosmos  -
fish-eyes
in a dark pool

on the buss
threy roses
...fegs! yin's a reid rab




on the bush
three roses
...oops! one's a robin

en o term  -
abuin the schuil
geese winnin awa




end of term  -
above the school
geese leaving

parteecularities
o the burn  -
jazz tae himenal




vagaries
of the stream  -
jazz to hymnal

Advent  -
geelt sparks hing,
daw's lowe
weirs amang thaim




Advent  -
frozen raindrops hang,
dawn's flame
passes amongst them

hame frae the kirk  -
the muin's flittit
twa causeys awa




home from church  -
the moon's moved
two streets away

abuin the wa
a topper snuves  -
the cortege wins awa




above the wall
a tile hat glides  -
the cortege sets off

byler bylin  -
the bairn skirls
at arabesques o steam




kettle boiling  -
the child squeals
at arabesques of steam

a singul straik  -
hern raxin
frae yirth tae lift




a single stroke  -
heron stretching
from earth to sky

twa staps
in'r zimmer
...yince queen o the jive




two steps
in her zimmer
...once queen of the jive

sheddaes:
calligraphy o cheer-legs
throuch's preachin




shadows:
calligraphy of chair-legs
during his sermon

pairtin
wi ghaists agane
the blues




sharing
with ghosts again
the blues

burn in spate  -
rodden berries
dichtit




flooded stream  -
rowan berries
washed clean

addict  -
cuddlin the rose
bleedin frae the breer




addict  -
hugging the rose
bleeding from the thorn

turnt tae the muin  -
her bricht
smirkin neb




turned to the moon  -
her bright
smiling face

her auld dug's deid  -
ilka day
she straivaigs its ghaist




her old dog is dead  -
every day
she walks its ghost

aw saints' day  -
a witchie's bunnet
rowes alang the causey




all saints' day  -
a witch's hat
rolls along the street

maple tree
leafless  -
derk arteries




maple tree
leafless  -
dark arteries

tea wi the abbot  -
straeberry jeely
on's chin




tea with the abbot  -
strawberry jam
on his chin

a bing
o nebless
pumpkins




a pile
of expressionless
pumpkins

peerie lass
waffs an waffs  -
soothboond geese




little girl
waves and waves  -
southbound geese

late-nicht drouthie
fleetchin
it's latch




late-night drunk
begging
at his keyhole

sclammerin
ower the palin
nasturtiums...leavin




clambering
over the fence
nasturtiums...leaving

regatta
swans
chorein the geggie




regatta
swans
stealing the show

tinkie wife cadgin -
her bairn
tentie o ilka muive




gypsy begging -
her child
absorbing every nuance

seelant pictur -
the pianny player's
sair fingers




silent movie -
the pianist's
aching fingers

throuch fawin leaves
a lang-tint neb
assemmles




through falling leaves
a long-lost face
assembles

chess in the perk -
a corbie
hunkers tentie




chess in the park -
a rook
sits watching

maple leaves -
the tips
kinnlin




maple leaves -
the tips
kindling

auld sodger stravaigs
...his bleck backpack
o sheddaes




old soldier wanders
...his black backpack
of shadows

blate bairn
nieves steekit in een -
kens whaur she's sauf




shy child
fists bunched in eyes -
knows where she's safe

a hinmaist flee
deein
wi the simmer




a last fly
dying
with the summer

the dool
o the 'tint an fund'
bink




the sadness
of the 'lost and found'
shelf

scuil fecht -
snowkin bluid frae'm
neist day




school fight -
smelling blood from him
next day

wab  -
freestit
rose winnock




web  -
frosted
rose window

referendum eve -
hairst leaves
hing bi a threid




referendum eve -
autumn leaves
hang by a thread

foster bairn -
fauldit in's pooch
mither's hinmaist jot




foster child -
folded in his pocket
mother's last note

spinster's gairden -
wabs
hing frae breers




spinster's garden -
webs
hang from thorns

zip
o a kingfeesher
haar steekin ahint it




zip
of a kingfisher
mist closing behind it

the grue
o tyin a snuid -
granny's arthritis




the horror
of tying a ribbon -
grandmother's arthritis

new bairn
weanin -
muinlit serenade




new baby
suckling -
moonlit serenade

hoaspice veesit -
her furst staps
on a hinmaist rod




hospice visit -
her first steps
on a last road

muin leukin -
hungower
on muinsheen




moon viewing -
hungover
on moonshine

clear vause o roses -
deep in the watter
muckle breers




clear vase of roses -
deep in the water
magnified thorns

the oops-an-doons
o thair youthie lives
...skeetbrod perk




the ups-and-downs
of their young lives
...skateboard park

snip snip
makkin shroods
...sniper




snip snip
making shrouds
...sniper

a threesome
muinlichtin:
sin yirth muin




a trio
moonlighting:
sun earth moon

peerie tots at
rugby trainin -
faithers hunker dwaumin...




tiny-tots at
rugby training -
fathers sit dreaming...

on bygaun
cumulus cluds
maw-scarts




on passing
cumulus clouds
gull-scribbles

a deavance o snails
dunt an scrunt
...thair castanets




a plague of snails
bump and grind
...their castanets

mornin glory
tooters
while thrapplin the rose




morning glory
trumpets
whilst strangling the rose

fush-cadger's van
reekin o the sea -
maws in'ts wauk




fishmonger's van
smelling of the sea -
gulls in its wake

butterie -
ilka vaig
a daunce




butterfly -
every journey
a dance

wild-flooer seeds
fund in's pooch
...bydein resurrectioun




wild-flower seeds
found in his pocket
...awaiting resurrection

yin
bygaun thocht:
clud




one
passing thought:
cloud

picnic -
butterflies and
flies in the butter


(Winner CCK#52 (play on words)

granbairn
rins skirlin -
ghaists amang the waashin




grandchild
runs screaming -
ghosts amongst the washing

fremmit flooers -
a reid admiral
sattles on ma guidwife




exotic flowers -
a red admiral
settles on my wife

faither's bothy -
bottle scrievit 'weed killer'
reekin o fusky




father's hut -
bottle marked 'weed killer'
smelling of whisky

clessroom globe -
nebs gove oot
frae africae




classroom globe -
faces stare out
from africa

snails
on the mairch
laidit backpacks




snails
on the march
loaded backpacks

troot stream -
mey-flees jig
syne couk




trout stream -
may-flies dance
then disappear

doos on the ruiflicht
me
thair unnerwatter bogle




pigeons on the rooflight
I
their underwater monster

bairgin
wi a bygaun thocht
butterie




colliding
with a passing thought
butterfly

campanula -
sparks hingin
sea blae




campanula -
raindrops hanging
sea blue

in the backlans
skailt confetti -
new-wad's gairden




in the ghetto
scattered confetti -
newly-wed's garden

lichtnin -
stappin frae a clud
a crofter wi's hey-sned




lightning -
stepping from a cloud
a hill-farmer with his scythe

in the winnock
an attercap's wab
...he hauds up her lung x-ray




in the window
a spider's web
...he holds up her lung x-ray

flicht hindert -
oors tentie o
crans' aerobatics




flight delayed -
hours watching
swifts' aerobatics

aw day
the pyned rairs
as the auld aik dees




all day
the agonized roars
as the old oak dies

murtherer bawdrons
contert -
bleckie awes me a sang




killer cat
thwarted -
blackbird owes me a song

amissin bairn  -
the mither:
fingers daffin wi fingers




missing child  -
the mother:
fingers playing with fingers

furst mappie
o the year
...wrocht o cluds




first rabbit
of the year
...made of clouds

mornin blues  -
in a neuk
attercap thrums a threid




morning blues  -
in a corner
spider strums a thread