Tuesday, December 26, 2017

Yule  -
sae monie bubbly-jocks

Christmas  -
so many turkeys

Sunday, December 24, 2017

lichtin caunles  -
she cannae mynd
whae fir

lighting candles  -
she can't remember
who for

Friday, December 22, 2017

swan paunders by...
no tae faise
hern's meditation

swan drifts by...
not to disturb
heron's meditation

Tuesday, December 19, 2017

Yule  -
on the fir tree blinterin

Christmas  -
on the fir tree
flickering blue-tits

Saturday, December 16, 2017

Reid Rab
poses on a sprot
...i the winnock, a selfie

the robin
poses on a twig
...in the window, a selfie

Friday, December 15, 2017

tentie o the swans  -
pouin hissel thegither

watching the swans  -
pulling himself together

Thursday, December 14, 2017

the caunle
an the fluit
...dervish lowe

the candle
and the flute
...dervish flame

Wednesday, December 13, 2017

hameless  -
the muin an sterns
his Yule whigmaleeries

homeless  -
the moon and stars
his Christmas baubles

Tuesday, December 12, 2017

amang stooriein feet
...peerie harlequin

amongst rushing feet
...little harlequin

Wednesday, December 06, 2017

the peeriest swans
...flauchts o snaw

in the distance
the tiniest swans
...flakes of snow

Tuesday, December 05, 2017

burnie-becker  -
in'n oot in'n oot
steekin's wye upstream

dipper  -
in and out in and out
stitching his way upstream

Thursday, November 30, 2017

abuin the lums
muin heizes forfochen lik
...anither nicht-yokin

above the chimneys
moon rises wearily
...another night-shift

Wednesday, November 29, 2017

dayset  -
pink maws
scud an dook

sunset  -
pink gulls
glide and swoop
a bing o leaves  -
licht sheens
frae the monie cheeks

a pile of leaves  -
light shines
from the many facets

Tuesday, November 28, 2017

in the perk
mynd fou o thochts
a peerie bleck dug rins throuch

in the park
mind full of thoughts
a little black dog runs through
died doo  -
fedders drift
amang the faw'n leaves

dead pigeon  -
feathers drift
among the fallen leaves

Sunday, November 26, 2017

bi'r carebed
hairst dowes intae wunter

by her sick bed
autumn slides into winter

Friday, November 24, 2017

fite freest  -
anither year

white frost  -
another year

Thursday, November 23, 2017

an on-ding  -
on the plainstanes
an umberellae stramash

heavy rain  -
on the pavement
umbrella collisions

Saturday, November 18, 2017

in a sinblink
...space trevellers

in a sunbeam
...space travellers

Friday, November 17, 2017

maws soom
wi the swans
...an drame

gulls swim
with the swans
...and dream
croodilt in a neuk  -
soond o thayr chitterin

huddled in a corner  -
sound of their shivering
craw's tentie
o swan preenin
...sterts preenin

crow watches
swan preening
...starts preening

Wednesday, November 15, 2017

on the new palin
a furst fetter-lock  -
an F an L snibbit in luve

on the new fence
a first padlock  -
an F and L locked in love
inby the tree's skellet
a stoundin heart  -

inside the tree's skeleton
a beating heart  -

Tuesday, November 14, 2017

swans  -
pace an brawness
wrocht frae fedders

swans  -
peace and elegance
made from feathers

Friday, November 10, 2017

swans  -
he fuspers in'r lug
she hysts'r fan

swans  -
he whispers in her ear
she raises her fan

Thursday, November 09, 2017

her furst
schuil photy  -
the amissin tuith

her first
school photo  -
the missing tooth

Tuesday, November 07, 2017

dawin  -
fusher an wabster
seein tae thayr nets

dawn  -
fisherman and spider
checking their nets
sic mense  -  she on pynts,
he arabesque

such elegance  -  she on points,
he arabesque

Saturday, November 04, 2017

waasht ashore
a pumpkin heid
...its daithless smirk

washed ashore
a pumpkin head
...its deathless smile

Friday, November 03, 2017

fou muin
amang the hystin glesses

full moon
amongst the raised glasses

Monday, October 30, 2017

hairst wunds  -
the maple stauns
in reid duds

autumn winds  -
the maple stands
in red rags

Thursday, October 26, 2017

faw'n leaves  -
hou they lou
tae jouk his besom

fallen leaves  -
how they love
to dodge his broom

Tuesday, October 24, 2017

wi's guidwilly
snail taks tae the rod

with his generous
snail walks out

Saturday, October 21, 2017

it the kist o whistles  -
he hauns hing
tae re- assemmle the quait

the organist  -
her hands poised
to re-arrange the silence

Wednesday, October 18, 2017

sin on thayr backs:
a threitenin skimmer

sun on their backs:
a menancing glitter
furst licht
tuscan haar heizes
...the meestery souchs oot

first light
tuscan mist rises
...the mystery exhales

Thursday, October 12, 2017

hairst souch
the sauch

autumn breeze
the willow

(strip the willow: a lively Scottish dance)

Tuesday, October 10, 2017

throuch the jyle palin  -
foostin awa

through the prison fence  -
rotting away

Friday, October 06, 2017

hairst muin  -
bawdrons' saucer

harvest moon  -
cat's saucer

Thursday, October 05, 2017

the Angelus bell  -
the fairmer
healds on's howe

the Angelus bell  -
the farmer
leans on his hoe

Wednesday, October 04, 2017

the auld monk's back- stuil
o sinlicht

the old monk's chair
of sunlight

Tuesday, October 03, 2017

throuch the stainit-gless:
licht in a coat
o monie colours

through the stained-glass:
light in a coat
of many colours
on keltert perks
yowes clype
...we coff a fridge magnet

on tilted fields
sheep cling
...we buy a fridge mangnet

Monday, October 02, 2017

meditation oor:
midgie bumps

meditation hour:
mosquito lumps
hairst gairdens  -
wuidreek heizes
...chynes o a sweein censer

autumnal gardens  -
woodsmoke rises
...chains of a swaying censer

Saturday, September 30, 2017

on the causey
a drapt plectrum  -
croonin frae the treen

on the street
a dropped plectrum  -
singing from the trees

Thursday, September 28, 2017

a stoorin moose
a lowpin puddock:
leaf'n wund daffin

a scuttling mouse
a leaping frog:
leaf and wind at play

Monday, September 25, 2017

blae  -
the dowieness
o bowlt streengs

blue  -
the melancholy
of bent strings
pouin rasps
hungower een

picking raspberries
hungover eyes
a singul leaf
reelin doon
...day o the yirdin

a single leaf
spiralling down
...day of the funeral

Thursday, September 21, 2017

sheenin gowd
baird o a wince yin

burnished gold
beard of a sage

Wednesday, September 20, 2017

burnie-becker  -
yin braith syne aff
fleein unnerwatter

dipper  -
one breath then off
flying underwater
mornin incaains
it the shrine

morning prayers
at the shrine

Sunday, September 17, 2017

skirlin o brakes  -
speuggies waashin
in a powie

screeching of brakes  -
sparrows bathing
in a pothole

Wednesday, September 13, 2017

in dubs:
the sinflooers

in puddles:
the sunflowers

Tuesday, September 12, 2017

a cran
kittles the peerie dug:
fite scart on the girss

a swift
teases the little dog:
white scribble on the grass

Monday, September 11, 2017

thayr bairn's
hame-wrocht mobile:
streeng'n yill cans

their baby's
home-made mobile:
string and beer cans

Sunday, September 10, 2017

hairst  -
a furst

autumn  -
a first

Friday, September 08, 2017

haudin ma braith

holding my breath

Thursday, September 07, 2017

rodden tree
biggin yir berries  -
nivver oot o contract

rowan tree
building your berries  -
never out of contract

Wednesday, September 06, 2017

fou muin  -
snail's trails
...sic embroidery

full moon  -
snail's trails
...such embroidery

Tuesday, September 05, 2017

a troot lowpin
a ploom fawin
...day o wunners!

a trout leaping
a plum falling
...day of wonders!

Saturday, September 02, 2017

its fedders fuffelt
...caunle i the wund

its feathers ruffled
...candle in the wind

Tuesday, August 29, 2017

i the wee-oors
on the uisual clint
...hern cleedin hissel

early morning
on the usual rock
...heron dressing himself

Saturday, August 26, 2017

furst day it schuil
she shaws'r tint tuith
...cums thayr hero

first day at school
she shows her missing tooth
...becomes their hero
i the burn's
derk keekin-gless
...dernt thingums

in the stream's
dark mirror
...hidden things

Monday, August 21, 2017

corsin the brig  -
a suddent blae thocht:
keeng's fisher

crossing the bridge  -
a sudden blue thought:

Thursday, August 17, 2017

an auld fere
pauchlin alang  -
a ettle'n ettle tae owerhy...

an old friend
shuffling along  --
I try and try to catch up...

Tuesday, August 15, 2017

the collogue  -
skwurrel on'r phone line

the conversation  -  squirrel
on her telephone line

Monday, August 14, 2017

douche drames  -
snail doverin
inby the straeberry

sweet dreams  -
slug asleep
inside the strawberry

Thursday, August 10, 2017

ragtime pianny  -
i the gairden
a maggie haps

ragtime piano  -
in the garden
a magpie hops

Wednesday, August 09, 2017

bi the
the neb-pentin tent
a peacock butterie

by the
the face-painting tent
a peacock butterfly

Tuesday, August 08, 2017

poacher's bothy  -
i the muinlit winnock
a saumon skimmers

poacher's cottage  -
in the moonlit window
a salmon glitters

Monday, August 07, 2017

ootby the
a hippity craw

outside the
a crippled crow

Friday, August 04, 2017

quat on the porch
the ukulele
plays itsel

left on the porch
the ukulele
plays itself

Thursday, August 03, 2017

sparks fawin
intae the sea
...wheel o burth'n daith

raindrops falling
into the sea
...wheel of birth and death

Tuesday, August 01, 2017

daein a jeegsaw
thegither  -
cluds'n me

doing a jigsaw
together  -
clouds and I
in aw
the hingin sparks
the yin sin

in all
the hanging raindrops
the one sun

Saturday, July 29, 2017

on the waashin rope
shooglin thirsels dry

on the washing line
shaking themselves dry

Thursday, July 27, 2017

a thochtie phone caw  -
ettlin tae mak
faither youthie  agane

a worried phone call  -
trying to make
father young again

thristles  -
pittin on
thayr purpie bunnets

thistles  -
putting on
their purple bonnets

Wednesday, July 26, 2017

hauf doverin
bi the watterside  -
furst cluds, syne swans, haud by

half asleep
on the riverbank  -
first clouds, then swans, pass by

Monday, July 24, 2017

the dung-doon site
a'ready a pictur
o wullflooers

the demolition site
already a picture
of wildflowers

Monday, July 17, 2017

a bleckie chirms  -
the mornin glories'r
aw lugs

a blackbird sings  -
the morning glories
are all ears
junkie  -
a mornin snowk
o champit sitherwid

junkie  -
a morning snort
of crushed southernwood

Friday, July 14, 2017

pilkin fruit  -
thayr hauns tig
clam wi luve

picking fruit  -
their hands touch
sticky with love
ceetie maws
doverin on the lum
...dramein o swaws?

city gulls
dozing on the chimney
...dreaming of waves?

Thursday, July 13, 2017

biggin thair nest
...a gemme o jaik straes

 building their nest
...a game of jack straws

Wednesday, July 12, 2017

on a clinty strand
his priesthood endit  -
a hern skares's quate

on a rocky shore
his priesthood ended  -
a heron shares his silence

Tuesday, July 11, 2017

gala day  -
wellies it the door
pensils o lichtnin

gala day  -
wellingtons at the door
streamers of lightning

Wednesday, July 05, 2017

mawin the girss  -
bummers stoor fir
the hinmaist dod o sookie

mowing the lawn  -
bees race for
the last patch of clover

Tuesday, July 04, 2017

anither year
the circus retours

the yearly circus
doonpoor  -
the abbot's
rainbowe colourt umberellae

monsoon  -
the abbot's
rainbow coloured umbrella

Saturday, July 01, 2017

athort the loch
the hoolet's skelloch

across the lake
the owl's cry
the dule
o fumeless

the sadness
of perfumeless

Thursday, June 29, 2017

airlie mornin
...fairmyaird blues

early morning
...farmyard blues

Sunday, June 25, 2017

'the glorifeed twalt'  -
burds cross the lift
...fawin no fleein

'The glorious twelfth'  -
birds cross the sky
...falling not flying

Thursday, June 22, 2017

roon the vause
faw'n petals
...colour o'r goonie

round the vase
fallen petals
...colour of her nightdress

Wednesday, June 21, 2017

the scholars
in bricht uniforms  -
the deuks in thayrs

the school children
in bright uniforms  -
the ducks in theirs

Tuesday, June 20, 2017

maw skirls
fleggin the speuggies

gull screams
frightening the sparrows
treen rax fir the sin  -
aw bit
narcissistic sauch

trees stretch for the sun  -
all but
narcissistic willow

Friday, June 16, 2017

fleein in a straucht line  -
in a stour

flying in a straight line  -
in a hurry

Tuesday, June 13, 2017

bummers'n bairns  -
hou we lued
rid sookie

bees and children  -
how we loved
sucking red clover
struislin hame
wi secks o gowd

struggling home
with sacks of gold

Sunday, June 11, 2017

aumond flourish fawin  -
they rake fir't
in granfaither's herr

almond blossom falling  -
they search for it
in grandfather's hair
on the waashin rope
...a souch

on the washing line
...a breeze

Sunday, June 04, 2017

whitsunday  -
lowin tungs

Pentecost  -
tongues of fire

Saturday, June 03, 2017

flooer shaw jeedges  -
taks a close leuk

flower show judges  -
takes a closer look

Wednesday, May 31, 2017

o the makar
...schaird o peasie whin

of the poet
...shard of granite

Friday, May 26, 2017

faur awa bomb blooter  -
a wab thirles

distant bomb blast  -
a web quivers
the bairn
skailin crisps
...follaed bi twa craws

the little boy
dropping crisps
...followed by two crows

Friday, May 19, 2017

dentist's chaumer  -
the cannie girn
o a fankilt flee

dentist's surgery  -
the steady whine
of a trapped fly

Tuesday, May 16, 2017

sneddin roses  -
fuchsia buds
....dreeps o bluid

pruning roses  -
fuchsia buds
...drips of blood

Sunday, May 14, 2017

i the gairden:

in the garden:

Thursday, May 11, 2017

a simmer mornin
egglin me
tae cleid it

a summer morning
urging me
to clothe it

Thursday, May 04, 2017

muinlit sheddaes:
the ceetiescape
athort a hameless neb

moonlit shadows:
the cityscape
across a homeless face
tentie o the cluds
laid aff
tentie o the cluds

cloud watching
cloud watching

blowster o gean flourish  -
howks fir wirms

cherry blossom storm  -
digs for worms

Saturday, April 29, 2017

scriever's clag  -
ma laddie gifts me a pen
...this yin

writer's block  -
my son gifts me a pen
...this one

Wednesday, April 26, 2017

thae wunter mornins
yin ee

these winter mornings
one eye

Friday, April 21, 2017

a dauncin butterie
frae the fooneral wreath

a dancing butterfly
from the funeral wreath

Wednesday, April 19, 2017

it the bus-stap:
a pish-the-bed seed baw
bides fir a souch

at the bus-stop:
a dandelion seed ball
waits for a breeze

Sunday, April 16, 2017

takkin thayr photy  -
the daffins
skew tae leuk

photographing them  -
the daffodils
turn to look

Saturday, April 15, 2017

the bodach
heelds agin the wund

the old man
leans against the wind

Wednesday, April 12, 2017

craw danders ahint
the bodach's hirple

crow walks behind
the old man's limp

Wednesday, April 05, 2017

voar  -
the meestery unfauldin

spring  -
the mystery unfolding

Monday, April 03, 2017

gean flourish
oor braith

cherry blossom
our breath

Wednesday, March 29, 2017

the bodach
tae dander

the old man
to walk slowly

Sunday, March 26, 2017

o a hyne awa daffin
...keek o day

of a distant daffodil

Thursday, March 23, 2017

up tae'r elbuck
in a wattergaw
she kittles the koi

up to her elbow
in a rainbow
she tickles the koi

Friday, March 17, 2017

St Paddy's day
doon wi the flu  - leastwise
 the watter's in a Guiness gless

St Patrick's day
down with the flu  -  at least
the water's in a Guiness glass

Wednesday, March 15, 2017

i the derk lift
nicht-shift walders

in the dark sky
night-shift welders

Monday, March 13, 2017

daffin it the banes  -
knackin the day awa

old men
playing dominoes  -
clicking the day away

Sunday, March 12, 2017

clachan tempel  -
fruit left fir the monks
fush banes fir bawdrons

village temple  -
fruit left for the monks
fish bones for cat

Friday, March 10, 2017

suddent stound -
ma laddie's photy
o an auld bodach

sudden shock  -
my son's photograph
of an old man
Buddha's gairden  -
fasht thochts caulmed

Buddha's garden  -
troubled thoughts calmed

Wednesday, March 08, 2017

frae stug
tae stug
the sin wins in tae the wuid

from stump
to stump
the sun enters the forest

Thursday, March 02, 2017

throuch sweyin treen
spires o the college

throu swaying trees
spires of the college
on the birkenshaw
...ghaistly gavotte

on the birchwood
...ghostly gavotte

Wednesday, March 01, 2017

furst day o voar  -
lowsin the dug
he flinders ilka dub

first day of spring  -
freeing the dog
he splinters every puddle

Friday, February 24, 2017

voar bulbs
lichtin up
the gairden

spring bulbs
lighting up
the garden

Friday, February 17, 2017

phone haurd tae's lug
...tozie soonds o hame

phone hard to his ear
...warm sounds of home

Tuesday, February 14, 2017

Valentine tryst   -
her smirk
...voar winin in

Valentine date   -
her smile
...spring approaching

(for Ann)

Monday, February 13, 2017

on the braetap
a deid stag
...brainches i the muinlicht

on the hilltop
a dead stag
...branches in the moonlight

Thursday, February 09, 2017

waldit thegither
...geelt leaves

welded together
...frozen leaves

Wednesday, February 08, 2017

raxin frae
the biggin sicht's glaur:

struggling from
the building site's mud:
amang the incaain flags
reid yin

among the prayer flags
the robin's
red one

Monday, February 06, 2017

snawdraps  -
as ivver

snowdrops  -
as ever

Friday, February 03, 2017

the burn wins tae me
an wins awa frae me:
it's tuim stance

the stream arrives at me
and leaves from me:
its empty terminus

Wednesday, February 01, 2017

nichtfaw  -
mang gothic brainches
craws drame

nightfall  -
among gothic branches
crows dream

Friday, January 27, 2017

twa deid craws  -
the hystit bicker
o thayr tuim nest

two dead crows  -
the raised chalice
of their empty nest
Auschwitz  -
they skift'n daunced
aw the wye here:
twa peerie reid shuin

Auschwitz  -
they skipped and danced
all the way here:
two tiny red shoes

(holocaust day)

Thursday, January 26, 2017

prood in's new
shuitin trews  -
cleidit tae kill

proud in his new
shooting trousers  -
dressed to kill

Wednesday, January 25, 2017

faimily tae bide  -
the hoose
fou o peerie claes

family to stay  -
the house
full of tiny clothes

Tuesday, January 24, 2017

wunter sin  -
craw's skyrie

winter sun  -
crow's glittering

Monday, January 23, 2017

fuffs o freesty braith  -
the auld engine driver's
sonnets o stame

puffs of frosty breath  -
the old train driver's
tales of steam
ne'er day  -
a souch geegles
amang the 'deid men'

new year's day  -
a breeze giggles
amongst the empties

Wednesday, January 18, 2017

throuch the schuil palin
peerie sheenin nebs:

through the school fence
tiny shining faces:

upwreilin  -
voar on the mairch

uprising  -
spring on the march

Tuesday, January 17, 2017

knock knappin
...egg'n spuin race

clock ticking
...egg and spoon race

Friday, January 13, 2017

fou muin
the threwen snawbaws

full moon
the thrown snowballs

peerie fuffbaw
hert on'ts sleeve
...Reid Rab

liittle puffball
heart on its sleeve

Thursday, January 12, 2017

on a stane
hern ootgawks a broon coo

on a stone
heron outstares a brown cow
myndin slides
 we wrocht wi tackety-buits
...schuil's juist no the samen

remembering slides
we made with tacketed boots
...school's just not the same

Wednesday, January 11, 2017

hogmanay  -
twa hameless daunce:
sowls in haun-me-doon boadies

new year's eve  -
two homeless dance:
souls in hand-me-down bodies

Tuesday, January 10, 2017

mornin speuggie
ma quate

morning sparrow
my silence

Tuesday, January 03, 2017

ne'er's day  -
craw oor furst-fuit
...derk ootrel

new year's day  -
crow our first-foot
...dark stranger

Sunday, January 01, 2017

muckle migration  -
it the sneckit mairches
thay're tentie o the geese

great migration  -
at the closed borders
they watch the geese