Monday, December 31, 2018

a yirdin
...settin voar bulbs

last day of the year
a funeral
...planting spring bulbs

Thursday, December 27, 2018

maws skirlin  -
samen leid as it hame

gulls screaming  -
same language as at home

Wednesday, December 26, 2018

i the wee-oors
a'ready weavin

early morning
already knitting

Monday, December 24, 2018

Yule e'en  -
a fou muin
lichts up the byre

Christmas eve  -
a full moon
lights up the cowshed

Saturday, December 22, 2018

whit wye
weet chafts it the station  -
life gaes naewhaur

tears at the station  -
life goes nowhere

Thursday, December 20, 2018

his team beat...agane   -
fouin the bucket

his team beaten...again  -
filling the dustbin

Monday, December 17, 2018

sin snaw or weet
wullie wagtail
never no waffin's bunt

sun snow or rain
wagtail never not
wagging his tail

Thursday, December 13, 2018

keek-o-day  -
the lift reiddens
blearin the Yule lichts

dawn  -
the sky reddens
dimming the Christmas lights

Tuesday, December 11, 2018

hunkert roon the ingle
thay'r tentie o the dramas
i the lowes

sitting round the fire
they watch the dramas
in the flames

Monday, December 10, 2018

Yule  -
i the  winnock
tree's stoundin hert

Christmas  -
in the window
tree's pulsing heart

Saturday, December 08, 2018

sclimin fawin
sclimin fawin  -
wunter flee reengin fir feres

climbing falling
climbing falling  -
winter fly searching for friends

Thursday, December 06, 2018

hematuria  -
a stap ower
a singul rodden berry

hematuria  -
I step over
a single rowan berry

Wednesday, December 05, 2018

freesty plainstanes  -
hairst leaves
set in a scrapbuik

icy pavements  -
autumn leaves
fixed in a scrapbook

Monday, December 03, 2018

this mornin sic sheenin  -
muin, venus,
an bawdrons' fuskers

this morning such shining  -
moon, venus,
and cat's whiskers
alzheimer's  -
on a seelent sea
her boattie adrift

alzheimer's  -
on a silent sea
her boat adrift

Friday, November 23, 2018

her leebrary beuks  -
a pokefou o crangs

her library books  -
a bagful of corpses
armistice  -
a bullet-tasht helm
...soond o a moothie

armistice -
a bullet-holed helmet
...sound of a harmonica

Sunday, November 18, 2018

scartin the caur winnock  -
speuggie stobs
it a jeelt dub

scraping the car window  -
sparrow stabs
at a frozen puddle

Saturday, November 17, 2018

votin day  -
ootby the pairlament
a joogler

voting day  -
outside the parliament
a juggler

Tuesday, November 13, 2018

hou sunken trock
maks eemages on the burn
(alang cam jung!)

how sunken debris
makes images on the stream
(along came jung!)
auld schuil dictionar  -
its pages turnt doon it
minge an mons

old school dictionary  -
its pages turned down at
minge and mons

Wednesday, October 31, 2018

depairtin the kirk
throuch fawin leaves
...a stainit-gless winnock

leaving the church
through falling leaves
...a stained-glass window

Tuesday, October 30, 2018

a bowl o sweeties
fir the guisers  -
she derns it frae granfaither

a bowl of sweets
for the trick or treaters  -
she hides it from grandfather

Friday, October 26, 2018

the postie
tint in e-fag reek douce reekin mail

the postman
lost in e-cigarette smoke sweet smelling mail

Monday, October 22, 2018

the sweel
o bairns cheevyin leaves
cheevyin bairns

the whirlpool
of children chasing leaves
chasing children

Wednesday, October 17, 2018

jealous  -
hairst treen
lossin wecht

jealous  -
autumn trees
losing weight

Monday, October 15, 2018

hairst  -
danderin throuch
this airtist's exheebeetion

autum  -
wandering through
this artist's exhibition

Saturday, October 13, 2018

poorin weet  -
the hale gairden

pouring rain  -
the whole garden

Monday, October 08, 2018

jazz throuch
the apen winnock  -
maggie bops frae side tae side

jazz through
the open window  -
magpie bops from side to side

Wednesday, October 03, 2018

i the muinlit squerr
bawdrons  -
his bell plinkin

in the moonlit square
cat  -
his bell twinkling

Sunday, September 30, 2018

fir a new granbairn
she lichts a caunle
...peerie lowe souchin

for a new grandchild
she lights a candle
...tiny flame breathing

Saturday, September 29, 2018

i the maisic chaumer
the flee derns
amang the crochets

in the music room
the fly hides
amongst the crochets

Friday, September 28, 2018

hame frae the vinyaird  -
his purpie colourt

home from the vineyard  -
his purple coloured
midnicht dander  -
wairmth yit
i the monastery waa

midnight stroll  -
warmth yet
in the monastery wall

Tuesday, September 25, 2018

fou muin
midnicht skooker
...monastery bawdrons

full moon
midnight prowler
...monastery cat

Tuesday, September 18, 2018

ristin here
whaur the bodachs yince ristit a wis youthie an scowthin

resting here
where the old men once rested
...and I was young and mocking

Monday, September 17, 2018

meditatin bi the dub
a leaf faws in  -
an ee apens...apens...

meditating by the pond
a leaf falls in  -
an eye/I opens...opens...

Saturday, September 15, 2018

mornin hermony  -
a bygaun bummer
a bike's croonin tyres

morning harmony  -
a passing bee
a  bicycle's singing tyres

Tuesday, September 11, 2018

nursery gairden  -
her yalla gowen sin
in a witch bell lift

nursery garden  -
her marigold sun
in a cornflower sky

Monday, September 10, 2018

hame frae sneddin treen  -
ilka chaumer a hunker in
reekin o fir

home from thinning trees  -
every room I sit in
smelling of pine

Wednesday, September 05, 2018

on the auld aik
luver's ineetials
...growne tae an ugsome skaith

on the old oak
lover's initials
...grown to an ugly wound

Friday, August 31, 2018

kail-wirm  -
on a kail leaf
grand crochet wark

caterpillar  -
on a cabbage leaf
excellent crochet work

Wednesday, August 29, 2018

auld toon squerr  -
a generation hunkert
aneath cluds o fag reek

old town square  -
a generation sitting
beneath clouds of cigarette smoke

Tuesday, August 28, 2018

maw  -
fechtin the schuil-laddie
fir's piece

gull  -
fighting the schoolboy
for his lunch

Wednesday, August 22, 2018

deuks in a raw  -
mither's scullery wa

ducks in a row  -
mother's kitchen wall

Tuesday, August 21, 2018

idle  -
ilka day bygane
the sunken boattie

unemployed  -
every day passing
the sunken boat

Saturday, August 18, 2018

anither burthday  -
slawly sauntin
on her new scooter

another birthday  -
slowly disappearing
on her new scooter

Monday, August 13, 2018

haar's cantraips:
attercap's ghaistly warl
hauds forrit

magical mist:
spider's ghostly world
steps forward

Thursday, August 09, 2018

a hunner the day  -
in'r gairden
a gledsome fleeby

a hundred today  -
in her garden
a joyous flypast

Tuesday, August 07, 2018

tae'r drame cleeker
attercap's wab

her dream catcher
spider's web

Monday, August 06, 2018

danderin aside's wheelcheer
she cairrys's tram
...pynts trigly bund

walking beside his wheelchair
she carries his leg
...laces neatly tied

Wednesday, August 01, 2018

heich on the err:
butteries, thrissledoon

high on the air:
butterflies, thistledown

Thursday, July 26, 2018

a reid admiral's
juist drapt bye
...winkin on a clint

a red admiral's
just dropped in
...winking on a rock

Wednesday, July 25, 2018

tod's left
a bing o bleck fedders
...the sang is gane

fox has left
a pile of black feathers
...the song is gone

Thursday, July 19, 2018

the workie's cran
flings its widdie sheddae
ower the daffin perks

the builder's crane
casts its gallows shadow
over the playing fields

Wednesday, July 18, 2018

on a lanely peth
snowkin a wull rose
...bummer shoves in

on a lonely path
smelling a wild rose
...bee pushes in

Saturday, July 14, 2018

the Buddha's hauns
fouin wi weet
...peerie burds sowpin

the Buddha's hands
filling with rain
...little birds drinking

Thursday, July 12, 2018

doverin in'r lair  -
ma heid ristin
whaur the tooth-fairy hunkert

sleeping in her bed  -
my head resting
where the tooth-fairy sat

Saturday, July 07, 2018

aw day
pouin berries
tae the bummers' wark sang

all day
picking fruit
to the bees' work song

Thursday, July 05, 2018

drocht  -
saumon duntin
intae clints

drought  -
salmon bumping
into rocks

Monday, July 02, 2018

the drouthie
flings miscawins it the Mosque

wetting himself
the drunk
flings abuse at the Mosque

Friday, June 29, 2018

eenin concert  -
the tuba chiel
gaithers aw the sinsheen

evening concert  -
the tuba player
gathers all the sunshine

Thursday, June 28, 2018

apenin the hingers  -
aye poorin
...hivier the-day

opening the curtains  -
still raining
...heavier today

( for Angelee Deodhar)

Wednesday, June 27, 2018

stravaigin hoaliday  -
e'en ma sheddae's

walking holiday  -
even my shadow

Sunday, June 24, 2018

heizin frae the meedie
gay luvers
in daunce o butteries

rising from the meadow
gay lovers
in a dance of butterflies

Monday, June 18, 2018

claucht up
i the mawin  -
hauf a bummer

caught up
in the mowing  -
half a bee

Saturday, June 16, 2018

unnerwatter wrack  -
locks o a river
stoorin on

underwater weeds  -
tresses of a river
rushing on

Friday, June 15, 2018

on a brainch
yin craw preens anither
...sappie in'ts derkness

on a branch
one crow preens another
...tender in its darkness

Thursday, June 14, 2018

life's roond  -
a faither's day cart
frae a faither

life's cycle  -
a father's day card
from a father

Wednesday, June 06, 2018

rin-ower pheasie

run-over pheasant

Tuesday, June 05, 2018

Zen maister
sic pace an caum
...years owerseein the swans

Zen master
such peace and tranquillity
...years tending the swans

Saturday, June 02, 2018

mavis's egg  -
dookin intae the reid-baw

thrush's egg  -
dipping into the yolk

Friday, June 01, 2018

simmer hings
in a hinmaist berry
...sweirt tae plook it

summer hangs
in a last berry
...loath to pluck it

Sunday, May 27, 2018

efter the bombin
the wae soond
o a moothie

after the bombing
the sad sound
of a harmonica

Wednesday, May 23, 2018

watterside kettle
...gaislins stoorin, duntin

riverside picnic
...goslings running, bumping

Thursday, May 17, 2018

granfaither admires'r
nursery pentin
...she birls it richt wey up

grandfather admires
her nursery painting
...she turns it right way up

Monday, May 07, 2018

aw the wye tae the kirk
a butterie

all the way to church
a butterfly
gym cless  -
athort the perk
cairtwheels rowin

gym class  -
across the park
cartwheels rolling

Wednesday, May 02, 2018

abuin the burn
crans'n midgies
in a deidly daunce

above the stream
swifts and mosquitos
in a deadly dance

Monday, April 30, 2018

ootby the zendo
on fluffert watter
the caum souch o swans

outside the zendo
on ruffled water
the peace of swans

Sunday, April 29, 2018

incaains fir a caum souch  -
sheddae o a maw
muives athort us

prayers for peace  -
shadow of a gull
moves across us

Thursday, April 26, 2018

efter'r bath
gove throuch the winnock

after her bath
gaze through the window

Wednesday, April 25, 2018

maggie haein dafferie
gowsts o wund

magpie having fun
gusts of wind
ootby the zendo
a bummer
thrang i the rose's heid

outside the zendo
a bee
busy in the rose's head

Monday, April 23, 2018

sneddin fruit busses  -
news wins in
o a cancer growein

pruning fruit bushes  -
news arrives
of a cancer growing

Tuesday, April 17, 2018

bleckies stushie -
yalla nebs
blent i the sin

blackbirds squabble  -
yellow beaks
flash In the sun

Monday, April 16, 2018

lowsin the bummer  -
feelin  the draucht
o's scowth

freeing the bee  -
feeling the draught
of his freedom

Sunday, April 15, 2018

hauf-wye up the tree
bawdrons jalouses
he's ower auld

half-way up the tree
cat realises
he's too old

Thursday, April 12, 2018

deid doo:
i the hert's howe
derk bluid reflectin a warl

dead pigeon:
in the heart's cavity
dark blood reflecting a world

Tuesday, April 10, 2018

a bairn's teeth merks
i the fause fruit
...firbidden fruit

a child's teeth marks
in the ornamental fruit
...forbidden fruit
bangster maggie  -
o bleckie's sang

bully magpie  -
of blackbird's song

Monday, April 09, 2018

the baw liggs atween thaim
dug'n maister  -
auld'n jaupit

the ball lies between them
dog and master  -
old and weary

the gairden yett a
hinmaist bummer wins awa

the garden gate
a last bee leaves

Friday, March 30, 2018

Pace  -
bairns rowe thair eggs
threy craws hing on pikit weer

Easter  -
children roll their eggs
three crows hang on barbed wire
deef he taks tent
o the bleckie's neb
...furm o the sang i the braith

deaf he watches
the blackbird's beak
...shape of the song in the breath

Wednesday, March 28, 2018

voar's taen
buds swall  -  derk neuks
lit up in daffin licht

spring's taken
buds swell  -  dark corners
lit up in daffodil light

Monday, March 26, 2018

cloody day  -
staps on sinlicht

cloudy day  -
steps on sunlight
attercap an me
...snaggit in a wab o wunnerment

spider and I
...caught in a web of wonderment

Wednesday, March 21, 2018

souch  -
tulip petals faw
...peerie boaties shooglin

breeze  -
tulip petals fall
...little boats rocking

Saturday, March 17, 2018

wunter fooneral  -
we stoor intae
the crematorium

winter funeral  -
we rush into
the crematorium

Sunday, March 11, 2018

mither's day  -
hauflins reid-nebbed
ahint bobs o flooers

mother's day  -
young men blushing
behind bunches of flowers

Friday, March 09, 2018

hame frae weir  -
yin fuitprent
i the snaw

home from war  -
one footprint
in the snow

Monday, March 05, 2018

in granfaither's gairden
a snawman fir'm
...slawly mizzlin

in grandfather's garden
a snowman for him
...slowly disappearing

Friday, March 02, 2018

maitin granfaither  -
the wye
he yince maitit me

feeding grandfather  -
the way
he once fed me

Thursday, March 01, 2018

fiteoot  -
intae the tuim flooer pats

whiteout  -
into the empty flower pots
leukin oot
on the snawy gairden  -
hou it mocks ma scriever's jam

looking out
on the snowy garden  -
how it mocks my writer's block

Wednesday, February 28, 2018

efter the onding  -
the gairden: muin's keekin-gless

after the blizzard  -
the garden: moon's mirror

Monday, February 19, 2018

liggin i the fedder-linit
kist o'ts sel:
dung doon swan

lying in the feather-lined
coffin of itself:
shot swan

Friday, February 16, 2018

on the shunkie ruif
bawdrons an doo
easy-oasy i the sin

on the outhouse roof
cat and pigeon
lazy in the sun

Thursday, February 15, 2018

throuch the tempel winnock
bairnheid lauchter  -
nae mantra mair muckle

through the temple window
childhood laughter  -
no greater mantra

Tuesday, February 13, 2018

snell wund  -
furst crocuses
comin ower blae

cold wind  -
first crocuses
turning blue

Monday, February 12, 2018

the mornin bleckie  -
the muin taks a hinmaist peep

the morning blackbird  -
the moon takes a last peek

Friday, February 09, 2018

the bodach
maits the maws  -
craws glower...set apairt

the old man
feeds the gulls  -
crows watch...segregated
ahint the boatie
sheddae o a swallae

behind the boat
shadow of a swallow

Thursday, February 08, 2018

on the heichest brainch:
bleckie  -  his ode tae voar

on the highest branch:
blackbird  -  his ode to spring

Wednesday, February 07, 2018

sae cauld  -
e'en inby
daffins skew tae the ingle

so cold  -
even inside
daffodils turn to the fire

Tuesday, February 06, 2018

caller snaw  -
a rottan rins ower't
...sica grue

fresh snow  -
a rat runs over it
...such a shiver

Sunday, February 04, 2018

a clud's
pit its derk fuit
i the burn

a cloud's
put its dark foot
in the stream
frae a snawy park:
a yowdendrift o maws

from a snowy field:
a blizzard of gulls

Friday, February 02, 2018

voar  -
the luve bomb

spring  -
the love bomb

Wednesday, January 24, 2018

gloamin  -
i the lift the kinetic
airt o stuckies

sunset  -
in the sky the kinetic
art of starlings

dowie  -
the craw faimily
ettlin tae croon

sad  -
the crow family
trying to sing

Friday, January 19, 2018

day efter the yirdin  -
burds roon
the tuim brod

day after the funeral  -
birds round
the empty feeder

Wednesday, January 17, 2018

day o'r yirdin
snaw on the brainches
...syne gane

day of her funeral
snow on the branches
...then gone

Wednesday, January 10, 2018

myndin bygane Yules
she shoogles
the snaw globe...agane

Christmasses past she
shakes the snow globe...again

Thursday, January 04, 2018

heelster-gowdie  -
efter the blowster
a tree staunin  on'ts brainches

topsy-turvy  -
after the storm
a tree standing on its branches