hairst leaves fawin  -
on a peerie lassie's heid
a croun




autumn leaves falling  -
on a little girl's head
a crown

freesty mornin 
jookin intae the greenhoose
...a haiku taks ruit




frosty morning 
nipping into the greenhouse
...a haiku takes root

scushin leaves  -
hairst
shenachies




shuffling leaves  -
autumn
storytellers

armistice day
it the rugby cairn
...wull thae ken we touched doon?



armistice day
at the rugby memorial
...will they know we touched down?

owernicht
the wund's added mair
tae the leafy jeegsaw




overnight
the wind's added more
to the leafy jigsaw

quatin the doctor's
a craw follaes me  -
does he ken sumthin?




leaving the doctor's
a crow follows me  -
does he know something?

skwurrel
stoorin alang the wa
...peerie hurdler




squirrel
racing along the wall
...little hurdler

skrank craigs, bauldie-heidit  -
hairst-lik days
fir the pish-the-beds




skinny necks, bald-headed  -
autumnal days
for the dandelions

amang the leaves
chessies oot o thayr shall
...broon een




among the leaves
chestnuts out of their shell
...brown eyes

hairst  -
i the schuil playgrun
the bairgin o conkers




autumn  -
in the school playground
the collision of chestnuts

her heidstane
owersheddain his  -
sib haggle




her headstone
overshadowing his  -
sibling rivalry

waukrife nicht  -
the wastern wund
snocherin i the lum




sleepless night  -
the western wind
snoring in the chimney

unner the rodden tree
he expones
arters an clots




under the rowan tree
he explains
arteries and clots

weet  -
in seelent causeys
the scrinchin o snails




rain  -
in silent streets
the crunching of snails

ma hoaspital marra  -

his waesome

muin neb

my hospital companion  -

his sad

moon face

sheenin i the derk  -
a stern faw'n
frae a git-weill cart




shining in the dark  -
a star fallen
from a get-well card

derk thochts
this mornin
...twa craws




dark thoughts
this morning
...two crows

auld trawlerman
his runkelt brou
...the ebbin tide




the old trawlerman
his wrinkled brow
...the ebbing ocean

efter the wullfire
amang the aises
...glowein puppies




after the wildfire
among the ashes
...glowing poppies

heich watter
sin an leaf freckilt
...stoorin pyot




high water
sun and leaf dappled
...galloping piebald