ma freen's dug
taigils me in'ts leash -
voar jig...fir threy




my friend's dog
tangles me in its lead -
spring jig...for three

abuin the deid daffins
aipple-flourish -
on an on...wizzen's sets




above the dead daffodils
apple-blossom -
on and on...life's shapes

on the lown watter
swan's sheddae shaw:
a swan preenin




on the still water
swan's shadow show:
a swan preening

gean flourish
shours doon -
mensefu clappin frae the cress




cherry blossom
showers down -
polite applause from the crease



(cricket match)

in the burn's blinter
hern's
lang sheddae




in the stream's glitter
heron's
long shadow

the tottie reenges -
his buggy
fous wi gean flourish




the toddler explores -
his push-chair
fills with cherry blossom

voar wund
mither an dochter
taigilt in ilk ither's herr




spring wind
mother and daughter
tangled in each other's hair

gean flourish
fleits on the burn
...plowp o a troot




cherry blossom
floats on the stream
...plop of a trout

gean flourishins
thair dowie nebs
runklin




cherry blossoms
their sad faces
wrinkling

finin the temple
we cast aff oor shuin
sit wi holiepied fitties




finding the temple
we remove our shoes
sit with holes in our socks

a tirl souchs
athort the perks -
geanflourish-drifts




a breeze sighs
across the fields -
cherryblossom-drifts

the beadle
a blithefou chiel -
tuim biddy bottles




the gravedigger
a happy man -
empty wine bottles

gean flourish
the bummer quats
...stoiterin




cherry blossom
the bee leaves
...unsteadily

craw stauns
govein intae the girse
...ah, haiku wark!




crow stands
staring into the grass
...ah, haiku business!

sumyin's thochts
snorlt
in a bumt wrapper




someone's thoughts
knotted
in a thrown-away wrapper

bodach at's winnock
the saisons brichten
an derken's neb




old man at his window
the seasons brighten
and darken his face

a sotter -
craw stammers
on the riggin-heid




bad workmanship -
crow trips
on the roof-ridge

swan liggs
pirlt in a dover -
lown mids o the burn




swan lies
coiled in sleep -
still centre of the stream

bawdrons skooks -
deuklins soom in sweels
...thair clockwark trams




cat skulks -
ducklings swim in circles
...their clockwork legs

doon an arbour
o gean treen
craw dauners...growein sma'er




down an arbour
of cherry trees
crow strolls...growing smaller

gean flourishins
fleetin doon the watter
...whaurivver it taks thaim




cherry blossoms
floating downstream
...wherever it takes them

aw day the hover-flee -
gliskin itsel
in ma windaes




all day the hover-fly -
seeing itself
in my glasses

snaggit amang
the brummle's jags
a riven-up scrieve




snagged amongst
the bramble's thorns
a torn-up letter

hern, snokin sheddaes -
jeels
in gled's




heron, hunting shadows -
freezes
in hawk's

somewey the gairdner:
his cuttie-reek
douce i the air




somewhere the gardener:
his pipe-smoke
sweetening the air

bawdrons on'ts rigg
wummlin
sin in'ts cleuks




cat on its back
squirming
sun in its claws

hover-flee's sheddae
muves ower'r breist
its lang trams lag




hover-fly's shadow
moves over her breast
its long legs linger

doverin sheddaes
streetch
the gairden sterts tae bummle




sleeping shadows
stretch
the garden starts to hum

sprots heeld
thair sheddaes -
koi ahint baurs




reeds lean
their shadows -
koi behind bars

yin bricht stern
sheenin
intae the vennel




one bright star
shining
into the alley


(Dylan concert)

brucken shalls -
somewey a bleckie,
a snail's glaize in'ts weeng




broken shells -
somewhere a blackbird,
a snail's gloss in its wing

cantie
ma lap fou
o bawdrons' murrins




contented
my lap full
of cats' purrings

gean flourishins -
grumphie shop lassie
scoors thaim wi'r besom




cherry blossoms -
grumpy shop girl
chases them with her broom

dowie
as veesitors win awa -
daffins



sad
watching visitors leave -
daffodils

daffins
bi the concert ha
lang-craigit sopranos




daffodils
by the concert hall
long-necked sopranos

Easter wauk -
dunt o the altar- laddie's
reel-fit




Easter vigil -
thump of the altar-boy's
club-foot

Easter mornin -
lowsit
the fankilt flee toves




Easter morning -
released
the trapped fly soars

Guid Friday -
he spreeds's freet
a bittie thinner




Good Friday -
he spreads his butter
a little thinner

in a cantie puil
a hinmaist pucklie daffins
gove at thirsels




in a placid pool
a last few daffodils
gaze at themselves

ower tottie
tae win tae thair chapper
he daffs alane




too tiny
to reach their doorbell
he plays alone

japanese lassie -
pintin oot airts
wi ma haiku pen




japanese girl -
pointing out directions
with my haiku pen

hoaspice flooers
oot wi the chookie banes
...a vause tapsalteerie




hospice flowers
out with the chicken bones
...a vase upturned

frae'r poke
a bra skailin -
flittin




from her bag
a bra spilling -
moving house

aw day
the yin butterie
fouin the gairden




all day
the one butterfly
filling the garden

voar sinsheen -
bummer waukens me
dunnerin at the winnock




spring sunshine -
bee wakens me
banging at the window

on a brainch
speuggie hysts's weeng
lats the sin unner




on a branch
sparrow lifts his wing
lets the sun under

licht on watter
skimmers throuch
the larie's leaves




light on water
shimmers through
the laurel's leaves

Easter -
a monk on's knees
screenges oot the confessional




Easter -
a monk on his knees
scrubs out the confessional

passion sabbath -
on the brod
the lily's skailt pollen




passion sunday -
on the table
the lily's spilt pollen

a furst reid-admiral
chowlin's chafts
on a bowder




a first red-admiral
making a face
on a rock

atween the goalposts
an orange sin
slawly drappin




between the goalposts
an orange sun
slowly dropping